"Azərbaycanın böyük neft və qaz sərvətlərinə malik olması bizim xalqımızın xoşbəxtliyidir və bu gün üçün, gələcək üçün, xalqımızın yaxşı yaşaması üçün, ölkəmizin inkişaf etməsi üçün ən böyük amildir"
Heydər Əliyev

22-ci Beynəlxalq Xəzər neft və qaz sərgisi və konfransı

Konfransı giriş sözü ilə forumun təşkilatçısı olan “ITE Group Plc” şirkətinin baş müşaviri Endryu Vud açmış və iştirakçıları salamlamışdır. 
 ..

Aprelin 2-də İzmir şəhərində Türkiyənin energetika sektorunda mühüm yer tutan “Petkim” neft-kimya holdinqinin yaradılmasının 50-ci ildönümünə həsr olunmuş təntənəli mərasim keçirilmişdir. 

 


“Petkim”in 50 illiyi təntənə ilə qeyd olunmuşdur

Mərasimdə Azərbaycan Respublikasının iqtisadiyyat və sənaye naziri Şahin Mustafayev, Azərbaycan Respublikasının energetika naziri Natiq Əliyev, Azərbaycan Respublikası Dövlət Neft Şirkətinin prezidenti Rövnəq Abdullayev, Azərbaycan Respublikası Dövlət Neft Fondunun icraçı direktoru Şahmar Mövsümov, İzmir valisi Mustafa Toprak, İzmir Büyükşehir bələdiyyə başqanı müavini Sırrı Aydoğan, “SOCAR–Türkiyə” şirkətinin rəhbəri Kənan Yavuz, “Petkim” rəhbərliyinin nümayəndələri iştirak etmişlər. “Petkim”in 50 illik fəaliyyətini əks etdirən filmin nümayişindən sonra giriş nitqi söyləyən şirkətin icraçı direktoru Sadəddin Qorqud uzun illər möhtəşəm layihələrə imza atmış “Petkim”in SOCAR ilə birlikdə yeni bir yola qədəm qoyduğunu qeyd etmiş, holdinqi “Türkiyə–Azərbaycan qardaşlıq əlaqələrinin sənaye sahəsində bariz nümunəsi” adlandırmış və bundan qürur duyduqlarını bildirmişdir.

Azərbaycan Respublikasının iqtisadiyyat və sənaye naziri Şahin Mustafayev Azərbaycan və Türkiyə əməkdaşlığının dərin köklərə malik olduğunu, ulu öndər Heydər Əliyevin “Bir millət, iki dövlət” idealının hər iki ölkədə geniş yayıldığını söyləmişdir. Hazırda Azərbaycanın Türkiyədə ən böyük investorlardan biri olduğunu qeyd edən nazir SOCAR-ın 2023-cü ildə bu sahədə birinci olacağını, 2008–2018-ci illər ərzində Petkim yarımadasına qoyulacaq sərmayələrin 10 milyard dolları aşacağını və bu yatırımların hər iki ölkə üçün mühüm əhəmiyyətə malik olduğunu vurğulamışdır. Azərbaycan Respublikasının energetika naziri Natiq Əliyev əsası ulu öndər Heydər Əliyev tərəfindən qoyulan Azərbaycanın enerji strategiyasının dünya enerji təhlükəsizliyinin təminatında mühüm yer tutduğunu, bu baxımdan Azərbaycan–Türkiyə əməkdaşlığının iqtisadi və siyasi cəhətdən böyük məna kəsb etdiyini demişdir. SOCAR-ın prezidenti Rövnəq Abdullayev “Petkim” əməkdaşlarını holdinqin yaradılmasının 50 illiyi münasibətilə təbrik etmiş, onlara uğurlar arzulamışdır. O, holdinqin son illərdəki fəaliyyətindən və əldə etdiyi istehsalat nailiyyətlərindən razı qaldığını bildirmiş, bir qrup qabaqcıl əməkdaşa mükafatlar təqdim etmişdir. Türkiyə Petrol İş Sendikasının rəhbəri Mustafa Öztaşkın və İzmir valisi Mustafa Toprak SOCAR-ın “Petkim”ə yeni nəfəs verdiyini, inşası davam etdirilən STAR neft emalı zavodunun, yaxın zamanlarda istifadəyə veriləcək konteyner limanının təkcə İzmir vilayətinə deyil, bütün Türkiyə iqtisadiyyatına mühüm töhfələr verəcəyini söyləmişlər.

Tədbirdə Azərbaycan Respublikasının iqtisadiyyat və sənaye naziri Şahin Mustafayevə, Azərbaycan Respublikasının energetika naziri Natiq Əliyevə, Azərbaycan Respublikası Dövlət Neft Fondunun icraçı direktoru Şahmar Mövsümova, İzmir Büyükşehir bələdiyyə başqanı müavini Sırrı Aydoğana və İzmir valisi Mustafa Topraka təşəkkür plaketləri təqdim olunmuşdur.